Dhjetë gishta që ngjiten, ushqim në fytyrë e rroba, dhe hunda e cila rrjedh! Nuk është pamja të cilën do doje të ia përshkruaje fëmiut tënd të vogël, apo jo?
Pra tani i sapolinduri yt i çmuar është rritur për tu bërë një vogëlush i lëvizshëm. Kane kaluar ato ditë kur bebi yt bënte rrëmujën e thjeshtë të një vjelljeje qumështi. I vogli juaj tanimë ka një prirje të theksuar të sigurohet që rrobat e tij të marrin më shumë ushqim se sa realisht ai ha për vete, dhe duart e tij janë përherë të përlyera dhe ngjiten.
Por kjo nuk duhet të jetë gjithsesi kështu. Ky njeri i vockël i juaji i bërë rrëmujë më ushqim, në të vërtetë nuk ka pse të jetë, njeriu i vockël i juaj rrëmujaxhi. Është qenësore të siguroheni që fëmija juaj të mësojë shprehi të duhura, në mënyrë që ti ketë ato për gjithë jetën. Siç thotë populli ‘ Pastërtia është rruga me e shkurt drejte Mirësise’. I dërguari ynë, ResuluLlahu, salallahu alejhi ue selem ka theksuar këtë gjë disa shekuj para se kjo fjalë e urtë të shënohej diku , në hadithin sahih (e vërtetë):
I dërguari i Allahu salallahu alejhi ue selem ka thënë: “Pastërtia është gjysma e Imanit (besimit)” , (sahih Muslimi).
Me ca vendosmëri dhe përsëritje nga ana juaj, fëmija juaj do përfitojë shprehi të shëndetshme të cilat do i bartë gjatë gjithë jetës.
Higjiena e dhëmbëve fillon që para se ti dalin dhëmbët e parë. Përdorë një leckë pambuku të pastër të lagur që t’ia pastrosh mishrat e dhëmbëve fëmijës tuaj nga koha që fillon të ha ushqim solid. Brusha dhe pasta të veçanta ka në treg për vogëlush.
Bëje ‘kohën e pastrimit të dhëmbëve’ atraktive dhe interesante për fëmijën tuaj. Këndo ndonjë këngë ngazëlluese gjatë kohës që i ndihmon në larjen e dhëmbëve p.sh “Fërko djathtas, fërko majtas ,i lajmë dhëmbët gjithandej, buzëqeshja jonë të shkëlqej!”.
Bëhu e vendosur dhe rutinore që fëmija juaj ti laj dhëmbët pas çdo vakti e sidomos para gjumit. Higjiena dentare është skajshmërisht e rëndësishme, pasi pasojat e një higjiene jo të duhur dentare rezulton me pasoja të dhimbshme, të sikletshme dhe të kushtueshme.
Koha e ngrënies është zakonisht koha më me rrëmujë e ditës. Gjithmonë laja duart fëmijës para dhe pas ngrënies. Vendos përparëse për ushqimin i cili i bie nga goja gjatë ngrënies, dhe gjithmonë fshije apo laje gojën e fëmiut pasi të ketë mbaruar ushqimin.
Kur fëmiu juaj është sëmurë, sigurohu të kesh faculeta (ose paloma) afër që ti pastrosh hundët që i rrjedhin. Gjatë fshirjes së hundës ta bësh me butësi, pasi në të kundërtën mund të shkaktosh iritim të lëkurës përreth vrimave të hundës dhe ti shkaktoj djegie fëmiut.
Kjo mund të duket diçka e tepërt, por lajeni fëmiun tuaj ashtu siç duhet! Kam dëgjuar raste nga motrat të cilat nuk e lajnë fëmiun për dy javë rresht! Vogëlushët mund të mos kenë erë të keqe trupore, por kanë nevojë për larje të rregullta. Në klimë më të nxehtë, larja e përditshme është e mjaftueshme. Në klimë më të ftohtë larja një ditë po një ditë jo, duket të jetë e përshtatshme. Përdorni gjykimin tuaj të vendosni çfarë ju përshtatet me shumë.
Praktikoni sunetin (praktikën e të Dërguarit salallahu alejhi ue selem), të ia preni thonjët çdo të premte (xhuma). Thonjët e gjatë grumbullojnë papastërti dhe duken si mos më keq. Keni kujdes mos ti lëndoni lëkurën rreth thonjëve, kjo mund të krijojë nervozizëm dhe ta bëjë këtë proces të padëshirueshëm tek fëmija dhe të vështirë për ju. Ka prerëse të veçanta për gishtërinjtë e vegjël, mund të gjinden në barnatore apo dyqane fëmijësh.
Në fund, përkundër këshillës që ti mbani fëmijët sa më pastër të jetë e mundur,mundohuni t’i merrni gjërat me masë. Fëmijët mund të bëhen rrëmujë e vërtetë, dhe kjo është në natyrshmërinë e tyre – mos i mbingarkoni që ti mbani pastër si xhami, sepse mesatarja është veti e Muslimanëve, dhe jo ekstremi.
Autore: A. Ali
Përktheu : UmmuAbdullah
Marrë nga : habibihalaqas.org
MotraIme
