Selam alejkum motra të dashura,
Insha Allah Qendra EMTEC (Prishtine) po fillon me një aktivitet të ri, i cili besojmë se do të na sjellë shumë dobi.
Aktiviteti i ri quhet “Klubi i librit” dhe do të funksionojë si vijon:
Anëtaret e klubit do të kenë detyrë që për çdo muaj ta lexojnë librin paraprakisht të përzgjedhur, dhe për çdo muaj do të mbahet takimi në të cilin do të diskutohet përmbajtja e librit.
(Librat do të kenë tematikë islame)
Njëra nga anëtaret do ta paraqesë librin në pika të shkurta në PowerPoint, e pastaj do të pasojë diskutimi.
Klubi do të jetë i hapur për audiencë, mirëpo anëtaret duhet të jenë serioze, të qëndrueshme dhe t’u përmbahen rregullave.
Ato që duan të bëhen anëtare i lus të më shkruajnë në e-mail: info@motraime.com (dhe ne do ju japim e-mailin kontaktues te pergjegjeses per regjistrim)Numri i anëtareve është i kufizuar.
Takimi i parë ku do të shpalosen rregullat e klubit dhe titulli i parë i librit i cili do të lexohet mbahet të mërkurën (30.04.2014) në ora 16:30 në Qendrën EMTEC.
*Vëretje:
Ato që duan të anëtarësohen duhet patjetër të vijnë në takim.
Ju lus ta shpërndani këtë njoftim te motrat që mendoni se mund të jenë të interesuara.
